انا مش فاهم ليه بنكبر فــ المواضيع



ليه فى كلامنا الفاضى حياتنا كده بضيع





انا مش فاهم ليه بنحب نلت ونعجن كده كتير



ليه الموضوع يبقى صغير بكلامنا احنا نخلى كبير



وانا مش فاهم فيها ايه يعنى لما فيفى تبقى الام المثاليه



ليه قاعدين نهرى وننكت كل شويه



ليه منفسنين كده من الوليه



وليه نيتنا صبحت مش هيه



هو انتو متعرفوش ان فوفا دى تبقى احسن رقاصه شرقيه



فى الهز واصله العالميه رقاصه انما ايه ميه ميه



ياخرابى على حركات وسطها اللولبية



وياروحى على عودها اللى عامل زى المهلبيه



ويالهوى على روحها الوطنيه



فى القلع بنتعلم منها الحريه



وفى السهر والشرب بقينا على ايدها ولاد جنيه



اه يابلد ماشيه على الوحده



كل مافيكى مطبلتيه



ونشطائك بيركبو احدث عربيه



وسما المصري مناضلة سياسيه



فيها ايه يعنى لما فيفى تبقى الام المثاليه



بطلو بقى حقد وغل وتعالوا نهزها شويه



القيصر وليد حمدي اسرائيل